Қостанайлық тұрғындар балаларын жаппай орыс сыныптарына беріп жатыр

Ұзынағашта атыс болып, бір адам қаза тапты

Азамат Ахметов
Фото: tengrinews.kz

Алматы облысының Ұзынағаш ауылында атыс болып, бір адам қаза тапты. Бұл туралы облыстық ПД баспасөз қызметі хабарлады.

Полицияның мәліметінше, 4 тамыз күні сағат 16:20 шамасында Жамбыл ауданы Ұзынағаш ауылының ауруханасына үш жергілікті тұрғын оқ жарақатымен түскен. Жеткізілгеннен кейін зардап шеккендердің бірі жансақтау бөлімінде қайтыс болды.

«Полиция дереу аталған факті бойынша барлық мән-жайларды анықтау және қылмысқа қатысы бар адамдарды ұстау шараларын қабылдады. Іздестіру барысында «ұстап алу» жоспары жарияланды», - делінген хабарламада.

Алдын ала мәлімет бойынша оқиға жергілікті тұрғындар арасында дұшпандық қарым-қатынасқа байланысты болғаны анықталды. Қазіргі уақытта жанжалға қатысы бар адамдар толығымен анықталып, оларды ұстау бойынша іс-шаралар жүріп жатыр.

Сізге қызықты болады