«Қазгидромет» мәліметінше, циклондар мен антициклондардың ауысуына байланысты Қазақстанда 17 наурызға дейін тұрақсыз ауа райы сақталады, деп хабарлайды Qonaev.info.
Синоптиктер мәліметінше, кей күні ғана жауын-шашын аздап толастауы мүмкін.
Болжам бойынша, 15 наурызда күндіз Солтүстік Қазақстан және Ақмола облыстарында қатты жауын-шашын болады.
«Қазақстан Республикасының басым бөлігінде циклондар мен антициклондардың ауысуына байланысты ауа райының тұрақсыз сипаты болады, жауын-шашын (жаңбыр, қар), республиканың оңтүстік жартысында жаңбыр жауып, кей күндері ғана күн ашық болуы мүмкін», - деп хабарлады «Қазгидромет».
Алматы, Ақтөбе, Атырау, Шығыс Қазақстан, Жамбыл, Жетісу және Батыс Қазақстан облыстарында еріген қар суы жайылуы мүмкін.
Сондай-ақ NASA спутниктік суреттерінен алынған мәліметтерге сүйенсек, 1 наурыздан 9 наурызға дейін Қазақстан аумағының қар басқан аумағы 72%-дан 53%-ға азайғаны хабарланды.
