Қар тазалау жұмысы тәулік бойы күшейтілген режимде жүргізілуде, деп хабарлады Qonaev.info.
“Күн күрт суып кеткен күннен бастап жолшылар шамамен 2 мың м3 көктайғаққа қарсы материал пайдаланды.
Дәл қазіргі сәтте ауа райының қолайсыздығына байланысты республикалық трассалардың 15 учаскесінде жол қозғалысына шектеу енгізілді. Республикалық желіде 500 бірлік арнайы техника күтіп-ұстау жұмыстарын атқаруда.
Өткен тәулікте жолшы мамандар қар құрсауынан 65 көлікті шығарды”, - делінген “Қазавтожол” хабарламасында.