ШҚО ТЖД өртсөндірушілері Зайсан ауданында дала өртін сөндірді, деп хабарлайды Qonaev.info.
"24 сәуірде Қарабұлақ ауылынан 15 шақырым жерде қамыс пен құрғақ шөп өртенді. Жағдайды екпіні 8-ден 10 м/секудқа дейінгі жел мен жетуі қиын батпақты жер ушықтырды. Жергілікті атқарушы органдар мен ШҚО ТЖД қызметкерлерінің бірлескен іс-қимылдарының арқасында өрт 45 гектар аумақта сөндірілді. Өртті сөндіруге барлығы 62 адам және 12 бірлік техника жұмылдырылды. Жану орнын жергілікті атқарушы органдары мен мамандар өрт қауіпті кезеңде белсенді пайдаланатын космомониторинг жүйесі анықтады. Спутник анықтаған жылу нүктесі отпен күресудегі жедел шаралар қабылдауға мүмкіндік берді", - делінген хабарламада.