Үндістан астанасы Делиде 20 жылда болмаған жауын жауып, қаланың басым бөлігі су астында қалды. Бұл туралы Qonaev.info тілшісі NDTV телеарнасына сілтеме жасап хабарлайды.
Табиғат апаты салдарынан кемінде 15-ке жуық ғимарат құлап, тас жолдардың талқаны шыққан. Екі адам қайтыс көз жұмды. Делидің іскерлік және коммерциялық аудандарының бірі – Коннот Плейс қатты зардап шекті. Сенбі күні басталған жауын мөлшері тоғыз сағат ішінде 125 мм-ге жеткен.
Үндістанда соңғы рет мұндай толассыз жаңбыр 2003 жылы тіркелген. Ал рекорд 1948 жылға тиесілі, бір күнде 266 мм жауын-шашын жауған. Осыған дейін бұл елде найзағай түсуінен 12 адам қаза тапқан болатын. Бұл Бихар провинциясында болған.
Синоптиктердің болжамынша Үндістан астанасында қатты жаңбыр кем дегенде әлі 3 күнге созылады.
