Астанадағы «Шабыт» университетінің ғимараты қиратылып жатыр. Жергілікті тұрғындар мұнда жөндеу жұмыстары жүріп жатыр ма, әлде ғимарат толығымен бұзылып жатыр ма – білмейді.
Желі қолданушылары болса бұзу процесін видеоға түсіріп, түрлі пікірін айтуда.
«Ауаға ұшқан есіл миллиондар», «Ақша жымқырудың жолы» деген секілді пікірлер де кездеседі.
Бұл жайтқа қатысты өнер университетінің өкілдері түсінік берді.
«Ғимаратты реконструкциялау жұмыстары жүріп жатыр. Құрылыс жұмыстарын жүргізіп, 1,5 жыл ішінде ғимараттың аумағы кеңейеді. Ғимарат қайтадан өз қалпына келітіріледі. Құрылыс жұмыстарының басталғанына 1 айдай болды. 2024 жылдың желтоқсанында аяқтау жоспарланып отыр. Оқушылар мен мұғалімдер уақытша Ramada Plaza-да оқып жатыр», - дейді университеттің шаруашылық жұмыстар бойынша проректоры Тоқтарбек Жұмақанұлы.
Айта кетейік, «Шабыт» университетінің ғимараты 2009 жылы пайдалануға берілген.
