Елімізде арнайы ХҚКО-да техникалық ақауға байланысты жүргізуші куәлігін алу мен көлікті қайта тіркеу қызметтері уақытша тоқтап тұр, деп хабарлайды Qonaev.info.
«Азаматтарға арналған үкімет» Мемлекеттік корпорациясы жұмысты қалпына келтіру үшін тиісті процедуралардың жүріп жатқанын хабарлады.
«Еліміздің барлық мамандандырылған ХҚКО-ларында жүйенің уақытша дұрыс жұмыс істемеуі байқалады. Осыған байланысты жүргізуші куәліктерін беру және көлік құралдарын тіркеу бойынша Мемлекеттік қызмет көрсетуде проблемалар туындауы мүмкін. Жауапты мамандар қалпына келтіру жұмыстарын жүргізуде», - делінген хабарламада.
Ұйым қолайсыздықтар үшін кешірім сұрады.
