Әлеуметтік желіде Нұржан Баймулдиннің 10 тәулікке қамалғаны туралы ақпарат тарады
Ақмола облысында орналасқан Kokshetau Asia ақпараттық басылымының шеф-редакторы Нұржан Баймулдин ұсталды. Бұл туралы аталған басылымның өзінде жазылған.
«Бүгін (12 қаңтар – авт.) орысша жаңалықтар бөлімінің шеф-редакторы Нұржан Баймулдин ұсталды. Ол әріптестеріне сағат 12:00-ге Көкшетау қалалық полиция басқармасына шақыртылғанын айтқан. Одан бері еш хабар жоқ. Полицияның баспасөз қызметі ешқандай ақпарат бермей отыр», - делінген аталған мәлімдемеде.
Басылымның жазуынша, Баймулдин жергілікті билікті жиі сынап, жемқорлық әрекеттерін ашық жазған.
Әлеуметтік желіде Нұржан Баймулдиннің 10 тәулікке қамалғаны туралы ақпарат тарады.