Істің мән-жайы анықталып жатыр
Мексиканың оңтүстігіндегі Герреро штатында қарулы топ кем дегенде 13 полиция қызметкеріне шабуыл жасады.
Қарулы шабуыл Акапулько-Сихуатанехо федералды тасжолында болған.
«Герреродағы Коюка муниципалды полициясына жасалған шабуылда 13 полиция қызметкері қаза тапты. Кем дегенде тағы екі полиция қызметкері жарақат алды. Қазіргі кезде шабуыл жасағандар іздестіріліп жатыр», - делінген хабарламада.
Жергілікті ақпарат құралдарының хабарлауынша, қаза тапқандар арасында бір әйел офицер, сондай-ақ муниципалды полицияның басшысы бар.