Қостанайлық тұрғындар балаларын жаппай орыс сыныптарына беріп жатыр

Рим Папасы ауруханаға түсті

Азамат Ахметов

Рим Папасы Франциск респираторлық инфекциямен ауруханаға жатқызылды.

CNN агенттігінің жазуынша, қазіргі кезде Рим Папасы ем алып жатыр. Ол апта сайын ел алдына шығып жүргізетін уағызын тоқтатуға мәжбүр болды. Католик шіркеуінің мәлімдемесінде соңғы күндері понтификтің тыныс алуында қиындықтар болған. Бірақ тексеру кезінде оның денесінен ковид табылмаған. Фрэнсиске «бірнеше күн ауруханалық күтім қажет» деп мәлімдеді Ватикан өкілдері.

Рим папасы толық сауығып шыққанша емді Жемелли ауруханасында алатын болды. 86 жастағы Фрэнсистің жұмыс кестесі тығыз. Ол алдағы 9 сәуірде кең көлемде атап өтілетін Пасхаға дайындалу керек болған. Оған дейін осы демалыс күндері Ватиканда Жаратушының Иерусалимге кіруіне байланысты қызмет (немесе пальма жексенбісінің массасы) өтуі керек. Ал сәуірдің соңында Фрэнсис Венгрияға да баруы керек еді. Ол ауруханаға түсердің алдында Әулие Петр алаңында апта сайынғы жиынға қатысып, жамағатқа қатысушыларға қасиетті дұғаларын айтып, ұшықтайтын.

Ақсақал денсаулығындағы кейбір мәселеге қарамастан, белсенді жұмыс істейді. Рим Папасы биылдың өзінде бірнеше мемлекетке  сапарлап үлгерді. Шиеленіскен, қақтығыстар тоқтамай, халқы ауыр күндерді басынан өткізіп жатқан Конго Демократиялық Республикасы және Оңтүстік Суданға да барып қайтты.

Қаңтарда Франциск өзінің алдындағы XVI Рим Папасы Бенедикті жерлеу рәсімін өткізді. Ол көптеген ғасырдан бері денсаулық жағдайына байланысты өз еркімен отставкаға кеткен алғашқы понтификке айналды.

Рим Папасы Франциск, егер денсаулығы қатты нашарласа, қызметінен кете алатынын бұған дейін де мәлімдеген.

Сізге қызықты болады