«AMANAT» партиясының Ұлытау облыстық филиалының төрағасы, сайлауалды штаб жетекшісі, партиялық тізім бойынша Ұлытау облыстық мәслихатына кандидат Бауыржан Шыңғысов бастаған кандидаттардан құралған топ Қызылжар мен Түгіскендегі кездесулерді тәмамдаған соң, Ақтүбекке атбасын бұрды, деп хабарлайды Qonaev.info.
Мұнда тұрғындармен кездесіп, жиынның басы «AMANAT» партиясының сайлауалды бағдарламасын түсіндірумен басталса, әрі қарай еркін пікір алмасу форматында өтті. Кездесу барысында партияның алдағы кезеңде атқарар жұмысы туралы және ауылдарды дамыту жөнінде партияның ұстанымы талқыланды.
«Малдардың жайылымы мәселесі кезек күттірмейді, инфрақұрылымдарды қайта қарастыру ауадай қажет, жаңадан көпір салынса екен, сол сияқты мектептегі спорт залдың құрылысы аяқсыз қалды», - деп жанайқайын жеткізген тұрғындарға кандидаттар тарапынан тиісінше мардымды жауаптар берілді.
Көпшілік көкейлерінде жүрген сұрақтарына жауап таба алды.
«AMANAT» партиясы әрдайым Халық жағында, деп айтқан кандидаттарға тұрғындар да қолдау білдіріп, болашақтарын тек осы партиямен байланыстыратындарын жеткізді.
Ұлытау облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді
