Назарбаевтың інісі Самат Әбіш клиникада емделіп жатыр

Азамат Ахметов
Фото ашық дереккөзден

ҚР Тұңғыш президентінің немере інісі, ҚР ҰҚК төрағасының бұрынғы орынбасары Самат Әбіш Алматыдағы жекеменшік ауруханалардың бірінде емделіп жатыр деп жазады Orda.kz. Бұл туралы ақпараттық агенттікке өз дереккөзі хабарлаған.

Дереккөздің айтуынша, 16 тамызда Самат Әбіш Mercedes-Benz Gelendwagen автокөлігімен Алматыдағы түркиялық клиникаға келген. Оның әжептеуір салмақ тастағаны байқалады. Ешкімнің көмегінсіз өзі қозғалады. Алдын ала болжам бойынша, Самат Әбіш осы клиникаға келіп ем қабылдап кетеді. Ол сондай-ақ, ғимараттың төменгі қабатында орналасқан намазханаға да кірген.

Ақпараттық агенттіктің тілшісі аталған клиникаға барып, Самат Әбішті күткенімен, ол үйреншікті уақытта келмеген. Дегенмен, клиника қызметкерлерінің бірі Назарбаевтың інісінің ем қабылдағанын жоққа шығармаған.

Самат Әбіштің нақты не аурумен ауырып жатқаны белгісіз.

Сізге қызықты болады