Шымкент қалалық Полиция департаментінің полк басшысы болған полковник Данияр Мейірхан қызметінен қуылды деп жазады адвокат Талғат Есімов өзінің Telegram-каналында.
Ол құқық қорғау органдары қызметкерінің беделі мен ар-намысына нұқсан келтірген көрінеді.
«8 қыркүйекте Полиция департаментінің тәртіптік комиссиясы полиция қызметкерінің беделіне нұқсан келтіргені үшін полк жетекшісі Данияр Мейірханды, оның орынбасарын және арнайы ротаның екі командирін қызметінен босатты», - делінген Есімовтің жазбасында.
Айта кетейік, Данияр Мейірхан үнемі әлеуметтік желі арқылы тікелей эфирге шығып, халықпен тікелей байланысатын полицей ретінде танылған. Оның аяқасты ұйымдастыратын рейдтіш шаралары да көпке мәлім.