Некелесу көрсеткіші де төмендеген
Осы жылдың бірінші жартыжылдығының қорытындысы бойынша елімізде 53,8 мың жұп некені тіркеді, бұл өткен жылмен салыстырғанда 2,2%-ға аз,деп хабарлайды ranking.kz.
Қалаларда неке саны жылына 16,7%-ға, 35,5 мыңға дейін қысқарды, ауылдарда керісінше, бірден 47,4%-ға, 18,4 мыңға дейін өсті.
Алты айдағы ажырасулар саны 8,2 мыңды құрады — бір жыл бұрынғыға қарағанда 9%-ға аз. Қалаларда ажырасу саны бір жылда 14,8%-ға, 6 мыңға дейін, ауылдарда – 12,6%-ға, 2,1 мыңға дейін қысқарды.
Өңірлік бөліністе ең көп неке Алматыда болды: 5,7 мың — бір жыл бұрынғыға қарағанда 19,7%-ға аз.
«Жаңадан үйленгендердің» үштігіне Түркістан облысы (5,5 мың неке, жылына минус 8,3%) және Астана қаласы (4,7 мың неке, минус 6,2%) кірді. Ең аз неке Ұлытау облысында тіркелді: 663.
Тіркелген ажырасулар саны бойынша Алматы көш бастап тұр: 1,1 мың — алайда бұл бір жыл бұрынғыға қарағанда 10,4%-ға аз. Сондай-ақ, Астана (734 ажырасу) мен Қарағанды облысы (723) ажырасулар бойынша үштікке енді. Ең аз ажырасу Ұлытау облысында болды: 102.
Елдегі неке коэффициенті 1000 адамға шаққанда 5,77-ден 5,46-ға дейін төмендеді. Елордада некенің ең жоғары коэффициенті тіркелді: 1000 адамға 6,9. Көшбасшылар үштігіне Маңғыстау және Алматы облыстары да кірді.
