Оның орнына келетін жаңа консулды енді таныстырады
Қазақстанда орыс тілінде сөйлейтін азаматтар азайып кетті деп дабыл қаққан Ресейдің еліміздегі экс-консулы Евгений Бобровты ешкім қызметінен қумаған. Ол зейнет жасына жеткендіктен өз еркімен бұл қызметтен кетті деп хабарлады РФ-ның Алматыдағы бас консулдығы.
«БАҚ-та шындыққа сәйкес келмейтін ақпараттың көптеп тарауына байланысты мәлімдейміз: Ресейдің Алматыдағы Бас консулы Е.П.Бобров 65 жасқа толып, Ресей Федерациясының мемлекеттік қызмет туралы заңына сәйкес өзінің дипломатиялық миссиясын аяқтап, отставкаға кетті және отанына оралды», - делінген консулдық таратқан хабарламада.
Ал, оның орнына тағайындалатын жаңа консулдың кандидатурасы биыл мамыр айында бекітіліпті.
