«АрселорМиттал Теміртау» ЖЭО-да жұмысшы биіктен құлап қаза тапты

Азамат Ахметов
Фото: ашық дереккөзден

Теміртауда «AB Construction» ЖШС жұмысшысы жылу электр орталығының қазандығында жұмыс істеп жүріп, биіктен құлап қайтыс болды. Бұл туралы компанияның баспасөз қызметі хабарлады.

«2022 жылдың 16 маусымында 2-ЖЭО-ның №7 қазандығында монтаждау жұмыстары кезінде адам өліміне әкелген апат болды. «AB Construction» ЖШС-нің 1986 жылы туған жұмысшысы өмірге сәйкес келмейтін дене жарақатын алып, биіктен құлап кетті. Іс тергеліп жатыр», - делінген хабарламада.

«AB Construction» компаниясының басшылығы марқұмның туыстары мен жақындарына көңіл айтады.

Сізге қызықты болады