«Ақ жол» фракциясының депутаттары Премьер-министр Әлихан Смайыловқа депутаттық сауал жолдаған. Мәжілістің жалпы отырысында оны депутат Азат Перуашев оқып берді.
Жақында Астанада Қайрат Сатыбалдыға қатысты сот процесі аяқталып, ол 6 жылға сотталды. Көліктік қызмет көрсету орталығымен медиациялық келісімге қол қойып, компанияға 28 миллиард теңге шығынды толығымен өтеді.
«Осыған байланысты КҚО жауапкерге ешқандай талап-арыздың жоқтығын мәлімдеді. Мұның барлығы жақсы, әрине. Дегенмен мыңдаған кәсіпкерлердің ҚКО-ның өзіне қатысты шағымдары бар. Сонымен бірге ҚКО тарифтерді бірден он есеге көтерген, тариф өсімі 118 есе артқан жағдайлар болған. Мұндай бопсалау төлемдерін төлеуден бас тартқан кәсіпорындардың вагондарға кіруіне тосқауыл қойылды, нәтижесінде кәсіпорын шикізатты қабылдап, өнімдерін тұтынушыларға жібере алмай қалды, жұмыс толығымен тоқтатылды», - деді Перуашев.
Тауарларды қабылдау мен жөнелтуді қалпына келтіруге әрекеттенген кезде кәсіпорындарға «тоқтап тұрғаны үшін» 80 миллион теңгеден басталатын есепшот берілетін.
Мәжілісменнің айтуынша, бұл заңсыздық элеваторларға, түрлі өндіріс салаларындағы ірі және орта кәсіпорындарға, құрылыс материалдарын, тамақ өнеркәсібі мен ауыл шаруашылығы өнімдерін өндірушілерге, қоймалар мен логистикаға әсер етті.
Бас прокуратураның жуырда жариялаған мәліметтеріне сәйкес, олигополияның мұндай әрекетінен 4 мыңнан астам кәсіпкер зардап шекті.
Тек 5 жылдан кейін Президент Тоқаевтың биылғы сәуір айындағы екінші тапсырмасынан кейін Үкімет жанындағы демонополизауиялау комиссиясы тарифтерді 12 есеге төмендетіп, 600-ден астам теміржол рельстерін ҚТЖ меншігіне, яғни, мемлекетке қайтарды, ал КҚО АҚ өзіне, жоғарыда айтылғандай, қыркүйек айында 28 миллиард шығынын қайтарды.
«Бірақ бұл миллиардтарды аталған компания қылмыстық жолмен - бөтеннің теміржол жолдарын басып алу және жеке кәсіпорындардан бопсалау тарифтері арқылы тапқан. Осы мәселелер шешілмей, жеке кәсіпкерлердің заңды мүдделері қорғалмайынша, теміржол инфрақұрылымы саласындағы монополистерге қатысты монополиясыздандыру жөніндегі Үкімет комиссиясының жұмысын аяқталды деп санауға болмайды», - дейді депутат.
