«Нұрлан Нығматулинмен жауласқан»: Балқаштың танымал кәсіпкері түрмеге 10 жыл жазықсыз отырған

Азамат Ахметов

Балқаш қаласының танымал кәсіпкері Қуат Сұлтанбеков 10 жыл түрмеде отырып, күні кеше ақталып шықты деп жазады ҚазТАГ.

«Оның үстінен қозғалған үш қылмыстық істің бәрі бойынша ақтау шешімі шықты», - деді адвокат Юлия Джафарова ҚазТАГ тілшісіне берген жауабында.

Ал, 2012 жылы Сұлтанбековтің үстінен қозғалған іс бойынша ол жазасын толық өтеп біткен. Жақын күндері экс-кәсіпкер бостандыққа шығады.

Айта кетейік, Қуат Сұлтанбеков 2012 жылдың мамыр айында қару-жарақты заңсыз сақтағаны, тасымалдағаны үшін 3 жыл алты айға бас бостандығынан айрылған болатын. Алайда, түрмеде отырған кезінде оның үстінен тағы бірнеше іс қозғалып, ол жалпы мерзімі 21 жылға сотталды. Өзінің айтуынша, ол экс-шенеунік Нұрлан Нығматулинмен жауласып, соның «тапсырысы» бойынша түрмеге қамалған көрінеді.

Сізге қызықты болады