Сириямен шекарадағы Түркияның Хатай провинциясында жаңа күшті жер сілкінісі тіркелді. Оның магнитудасы 6,4 балды құрайды. Бұл туралы Еуропалық-Жерорта теңізі сейсмологиялық орталығы мәлім етті, деп хабарлайды Qonaev.info Anadolu сайтына сілтеме жасап.
Ғалымдардың айтуынша, жер сілкінісінің ошағы екі шақырым тереңдікте жатқан.
Жергілікті БАҚ-тың хабарлауынша, Антакия қаласындағы жаңа дүмпулердің салдарынан тұрғын үйлер қираған, бірақ олардың саны көрсетілмеген.
Жер асты дүмпулері Хатаймен көршілес провинцияларда, сондай-ақ Сирия мен Ливанда сезілді.